مدد تو کرتے ہو تصویر کھینچ لیتے ہو
مدد تو کرتے ہو تصویر کھینچ لیتے ہو ۔۔۔ موسم سرما کی آمد آمد ہے جس میں راتیں لمبی اور دن کا دورانیہ مختصر ہو جاتا ہے، گرمی کی بہ نسبت کھانے پینے کا نظام بھی تبدیل ہو جاتا ہے، نیند کا تو کیا پوچھنا اس میں مزید مٹھاس پیدا ہو جاتی ہے، گرم کپڑے زیب تن کرنے کا بھی اپنا ایک منفرد انداز ہوتا ہے، انگیٹھیوں کے پاس بیٹھ کر مونگ پھلی کا ذائقہ اور پھر قصہ ایران توران کا الگ دور چلتا ہے، یہ سب کچھ ہوتا ہے اور ہم خوب لطف اندوز ہوتے ہیں اور تحدیث نعمت کے طور پر ہونا بھی چاہئے جس میں کوئی مضائقہ نہیں، لیکن ایک پہلو جو ہم بھول جاتے ہیں وہ یہ کہ ہمارے آس پاس نہ جانے کتنے ایسے لوگ ہوں گے جن کے لئے موسم سرما کی لمبی راتیں بہت بڑی آزمائش لیکر آتی ہیں، سرد ہواؤں کے جھونکے نہ صرف یہ کہ انہیں سونے نہیں دیتے بلکہ ان کے وجود کو ہلا کر رکھ دیتے ہیں وہ چاہ کر بھی سو نہیں سکتے، لطف تو بہت دور کی بات ہے کلفتیں انہیں ہر طرف سے گھیرے ہوئے ہوتی ہیں ایسے میں ہمارے لئے واجب بلکہ فرض ہے کہ ایسے ضرورت مندوں تک پہونچ کر ان کی مدد کریں اور خدمت خلق کے اس فریضہ کو بحسن خوبی انجام دیں ورنہ قیامت کے دن ہم سے اس کے بارے میں